Смарт Плас ХХК нь 2012 онд эрчим хүчний салбарт зураг төсөл боловсруулах, инженерингийн үйл ажиллагаа эрхлэх зорилгоор үүсгэн байгуулагдсан. Үүсгэн байгуулагдсан цагаасаа хойш салбарын өөрчлөлт, шинэчлэлт, бүтээн байгуулалтын төсөл, хөтөлбөрүүдэд идэвхтэй оролцож, орчин үеийн дэвшилтэт техник, технологид тулгуурласан цогц шийдлийг боловсруулах, нэвтрүүлэхэд онцгойлон анхаарч, салбарын хөгжлийн салшгүй хэсэг болон төлөвшиж, үндэсний тэргүүлэх инженерингийн компани болж чадсан.
Компани нь эрчим хүч түгээх, дамжуулах сүлжээ болон эх үүсвэрийн хүрээнд олон арван төсөл, хөтөлбөрт ерөнхий болон туслан гүйцэтгэгчээр оролцсон. 2014 онд хамгийн анхны 110/35/10кВ-ын 2х25МВА хүчин чадалтай дэд станц болон 110кВ-ын цахилгаан дамжуулах агаарын шугам (ЦДАШ) барьж эхэлснээс хойш нийт 110кВ-ын 8 дэд станц, 35кВ-ын 2 дэд станц, 10МВт-ын нарны 2 шинэ эх үүсвэр, 80МВт/200МВт.ц хүчин чадалтай хуримтлуурын станц зэрэг нийт 100 МВт-ын эх үүсвэрүүдийг шинээр барьж ашиглалтад оруулсан бөгөөд энэ нь Монгол Улсын сэргээгдэх эрчим хүчний суурилагдсан нийт хүчин чадлын 41.6 хувийг дангаараа бүрдүүлж байна.
Одоогийн байдлаар Смарт Плас ХХК нь эрчим хүчний эх үүсвэр, цахилгаан дамжуулах шугам, дэд станцын техник, эдийн засгийн үндэслэл (ТЭЗҮ) боловсруулах, зураг төсөл боловсруулах, барилга угсралтын ажил гүйцэтгэх тусгай зөвшөөрлийн хүрээнд цогц үйл ажиллагаа эрхлэхийн зэрэгцээ уул уурхай, эрүүл мэндийн салбарт охин компаниудаа байгуулан, улс орны хөгжилд бодитой хувь нэмэр оруулж байна.
Мөн Смарт Плас ХХК нь үйл ажиллагаандаа ISO 9001 (Чанарын удирдлагын тогтолцоо), ISO 14001 (Байгаль орчны удирдлагын тогтолцоо), ISO 45001 (Хөдөлмөрийн аюулгүй байдал, эрүүл ахуйн удирдлагын тогтолцоо) нэгдсэн менежментийн тогтолцоог бүрэн нэвтрүүлж, Франц Улсын AFNOR хөндлөнгийн аудитын компаниар олон улсын хэмжээнд баталгаажуулан, олон улсын жишигт нийцсэн менежментээр үйл ажиллагаагаа явуулж байна.
Манай компани үүсгэн байгуулагдсан цагаасаа хойш Монгол Улсын эрчим хүчний салбарт шинэчлэл, хөгжил, бүтээн байгуулалтын олон төсөл, хөтөлбөрт идэвхтэй оролцож, дэвшилтэт техник технологид суурилсан шийдлүүдийг нэвтрүүлэхийг эрхэм зорилгоо болгон ажиллаж ирсэн билээ. Бидний хийж бүтээсэн бүхэн зөвхөн компанийн нэр хүндийг өсгөхөөс гадна улс орны хөгжилд бодитой хувь нэмэр оруулж байгаад бид гүнээ бахархдаг юм.
Өнгөрсөн хугацаанд манай хамт олон эрчим хүчний салбарт дэд станц, цахилгаан дамжуулах шугам, шинэ эх үүсвэрийн бүтээн байгуулалтаас эхлээд уул уурхай, эрүүл мэндийн салбарт хүртэл үйл ажиллагаагаа өргөжүүлэн, үндэсний хэмжээнд хүлээн зөвшөөрөгдсөн компани болон төлөвшсөн билээ.
Цаашид бид өндөр ур чадвартай инженер, мэргэжилтнүүдийнхээ хүчээр олон улсын стандарт, менежментийн тогтолцоонд нийцсэн үйл ажиллагааг эрхэмлэн, харилцагчдынхаа итгэл найдварыг хүндэтгэж, улс орны хөгжил, хүн төрөлхтний тогтвортой ирээдүйд үнэтэй хувь нэмрээ оруулахын төлөө тууштай ажиллах болно.
Энэхүү замналын ард хамтран ажилласан хамт олон, түнш байгууллагууд, итгэл хүлээлгэсэн харилцагчид Та бүхэндээ гүн талархал илэрхийлж, цаашдын хамтын ажиллагаанд өндөр амжилт хүсье.
Дугаар 995/21:
Тусгай зөвшөөрөл 1.4: 0.01-100МВт-ын хүчин чадалтай цахилгаан эрчим хүчний эх үүсвэрийн угсралт, засварын ажил, түүний туршилт тохируулгын ажил үйлчилгээ
Тусгай зөвшөөрөл 2.3: 0.4-110кВ-ын цахилгаан дамжуулах шугам, дэд станцын засвар, угсралт, түүний туршилт тохируулга, дагалдах ажил, үйлчилгээ эрхлэх
Тусгай зөвшөөрөл 1.3: 100МВт-аас дээш эрчим хүчний эх үүсвэр барих, угсрах, засварлах, түүний туршилт тохируулга, дагалдах ажил, үйлчилгээ эрхлэх
Тусгай зөвшөөрөл 2.4: 220кВ болон түүнээс дээш хүчдэлтэй цахилгаан дамжуулах шугам, дэд станцын засвар, угсралт, түүний туршилт тохируулга, дагалдах ажил, үйлчилгээ эрхлэх
Дугаар ЗТ-122/21
Тусгай зөвшөөрөл 8.2: 0.01-100МВт болон түүнээс дээш хүчин чадалтай эрчим хүчний эх үүсвэрийн техник эдийн засгийн үндэслэл, зураг төсөл боловсруулах
Тусгай зөвшөөрөл 8.4: 0.4-110кВ болон түүнээс дээш цахилгаан дамжуулах шугам, дэд станцын барилга байгууламжийн техник эдийн засгийн үндэслэл, зураг төсөл боловсруулах
Дугаар ЗТ-191/23:
Тусгай зөвшөөрөл 8: Эрчим хүчний барилга байгууламжийн зураг төсөл боловсруулах
