Энэхүү төслийн зорилго нь Монгол Улсад ортопед, гэмтэл согог судлал болон ерөнхий мэс заслын чиглэлээр орчин үеийн дэвшилтэт оношлогоо, үйлчилгээ үзүүлэхэд оршино. Эмнэлгийн баг бүрэлдэхүүн нь Монгол Улсын тэргүүлэх эмч нар болон олон улсын мэргэшсэн эмч нарын бүрэлдэхүүнтэйгээр үйл ажиллагаагаа эхлэхээр төлөвлөгдөж байна.

Эмнэлгийн барилга байгууламжийг олон улсын стандартад нийцүүлэн барьсан бөгөөд хамгийн сүүлийн үеийн техник, тоног төхөөрөмжөөр бүрэн хангахаар төлөвлөсөн. Мөн байршлын хувьд хэрэглэгчдэд ойр, хүртээмжтэй байхаар Шинэ Яармаг орон сууцны бүсэд Viva City хотхоны зүүн хэсэгт байрлаж байна.

Эмнэлэг нь 80 орны багтаамжтай байх бөгөөд урьдчилсан судалгааны дагуу жилд нийт 142,493 өвчтөнд үйлчилгээ үзүүлэх боломжтой. Үүнээс нэг өвчтөний хэвтэн эмчлүүлэх хугацаа дунджаар 9.8 өдөр, жилд дунджаар 3,174 өвчтөн хүлээн авах тооцоолол гарсан.